Zokhawtharah heroin & meth man

Zokhawthar police-te chuan tun hnai khan Kudamsen kài, Zokhawtharah heroin fîr ṭha chi kg. 7.422 an man a, cheng vbc. 2.22 hûa chhût a ni.

Police-te chuan heroin kaihhnawihah hian Lalnuntluanga (20) s/o Lalpekliana, Khawmawi, Myanmar an man a; a inpuanna aṭangin Lalhriatliana (28) s/o Malsawma, Tahan ‘C’ Group, Chunglianawia (37) s/o Funglinga (L), Khampat, Myanmar leh Tialvangi (44) d/o Khuahluma, Zokhawthar te an man leh. An chhui zuina aṭangin Keifangah H Lalrinsanga (49) s/o Lalremmawia (L), Aizawl Venglai nia inchhal an man leh bawk.

Assam Rifles pawhin July 17, Ningani khan Zokhawtharah heroin (no. 4) gram 642 leh methamphetamine kg. 10.444 an man bawk. AR ruihhlo mante hi cheng vbc. 36.79 hû a nih thu an tarlang a; police hnenah an hlan a ni.