UDPA Minister leh HUA Minister inkâwm

Urban Development & Poverty Alleviation (UDPA) minister K Sapdanga chuan nimin khan Delhi-ah Union Housing and Urban Affairs minister Manohar Lal a kâwm a; Mizorama khawpuite'n hma an sawn theih dan turte a sawipui.

K Sapdanga chuan, Mizorama khawpui hrang hrang chhungah khuarel chhiatna laka invenna tur tui luankawr ṭha tak neih a ṭul thu a sawi a; bawlhhlawh sâwngbâwl danah Mizoramin hma a sawn theih dan tur leh chumi atana Mizoramin sorkar laipui puihna a mamawh dante Union Minister hnenah a thlen.

UDPA Minister hian Ministry of Finance hnuaia Department of Expenditure secretary Vuanlunmang Vualnam pawh a kâwm a, Mizoram sorkar, a bik takin UDPA department-in chak zawka hna a thawh theihna tura sorkar laipui aṭanga sum hmuh tur táng mekte a sawipui. Vuanlunmang Vualnam chuan, a lo bawhzui tur thu Minister a hrilh a ni.

Minister hi UDPA secretary Lalmalsawma Pachuau-in a ṭawiawm a ni.