'NG' awmna zir chiang tur ruat

Mizo Language Development Board Governing Body chu nimin khan School Education Directorate committee room-ah an ṭhukhawm a; A AW B (orthography)-a 'NG' awmna hmun sawn chungchang zir chiang turin Grammar Committee an ruat.

MLDB Governing Body ṭhutkhawm hi chairman R Lallianzuala a kaihhruai a; A, AW, B (orthography)-a NG awmna hmun chungchang zau zawka zir chiang tura an ruat Grammar Committee chu thla khat chhunga MLDB-a report thehlut turin an ti.

Indian Constitution 8th Schedule-a Mizo ṭawng dah luh chungchang zir chiang turin MLDB secretary Lalsangpuia, Mizoram University Mizo department HoD Dr Zoramdinthara leh Pachhunga University College Mizo department HoD Dr H Laldinmawia te an ruat bawk.

Ṭhutkhawmah hian kum 2025-26 chhunga MLDB-in budget a neih chu a tlem avangin an hmachhawpte tihhlawhtlin theih vek a nih loh thu tarlan a ni.