Food processing training kharna Minister-in hmanpui

Agriculture minister PC Vanlalruata chuan nimin khan Mission Organic Value Chain Development for North East Region (MOVCD-NER) Phase IV hnuaia Clover Organic bultuma buatsaih ‘Value Addition & Food Processing Training’ kharna hun a hmanpui a; kut hnathawktute leh an thil thar lei duh turte inthlun zawmna ṭhat a pawimawh thu a sawi.

PC Vanlalruata chuan, kut hnathawktute tihhmasawnna tur leh hlâwk zawka an thil tharte tihral a nih theih nan district hrang hranga farmers producers company CEO-te chu an thil zir leh thiam tharte kut hnathawktute hnenah hlan chhawng zel turin a chah a, "Post harvest management lamah ṭan lak nasat a ṭul. Thlai leh thei tharte thiamna ṭha tak hmanga sawngbawl a, man man zawka tihral dan ngaihtuah bakah, a lei duh turte nena inthlun zawmna ṭha buatsaih a pawimawh," a ti.