Serchhipah thubuai a tlahniam

Serchhip SP Gavit Gogna hoin nimin khan Serchhip district police hmalakna leh hnathawhte thlir letna, Crime Review Meeting neih a ni a; kum chanve chhungin kum 2024 aiin kuminah Serchhip district-ah thubuai ziah luh a tlem zawk tih tarlan a ni.

Review meeting-a tarlan danin, January-July, 2024 chhung khan Serchhip district-ah thubuai 101 ziah luh a ni a, kuminah January 1-July 18 chhungin thubuai 72 ziah luh niin, nikum aiin 29-in a tlem zawk. Kumina thubuai ziah luh 72 kaihhnawihah mi 76 man an ni a, thubuai 72 zinga 24-ah court-in inhnamhnawiha puhte thiam loh a chantir tawh a ni.