5-star hotel siam duh zawnna Company pakhatin an chhâng

Tourism department-in Chaltlang Tourist Lodge, 5-star hotel atana siam tur zawnna (request for proposal) an chhuah chu company pakhatin an chháng.

Tourism department-in request for proposal a chhuah hi July 16, 2025 khan hawn a ni a, chhangtu pakhat an awm. A chhangtu awm chhun hi thlan a ni kher dawn em tih a la chiang lo a, technical evaluation leh presentation-te tih a la ngai dawn a, thlan an nih dawn pawhin hun a la duh rei deuh dawn a ni.

Tourism department hotute sawi danin, Chaltlang Tourist Lodge, 5-star hotel atana siam duhte chu an sûlhnu leh pawimawh dangte uluk taka zir a ni dawn. Chhangtu pakhat chauh an awm a nih pawhin, pakhat aia tam chhangtu an awm tur a ni tih a nih kher loh avangin harsatna a awm lo a ni.