Hmun hrang hrangah thisen pe

July 19, Inrinni khan hmun hrang hrangah thisen unit 243 pek a ni. Ramthar Veng Presbyterian Kohhran chuan an golden jubilee lawm nan an kohhran hall-ah Synod Hospital tan thisen unit 80 an pe a, petute mipa 77 leh hmeichhia 13 an ni. KṬP, Venghlui Branch-in ZMCH tan unit 67 an pe a, petute mipa 48 leh hmeichhia 19 an ni.

Mizoram UPC ṭhalai pawl, Bethlehem Bial PYD chuan Civil Hospital, Aizawl tan unit 40 pein, petute mipa 31 leh hmeichhia pakua an ni a; Lunglei Luangmual PYD (NEI)-in Civil Hospital, Lunglei tan unit 24 pein, petute mipa 21 leh hmeichhiah pathum an ni. ṬKP, Bungtlang Pastor Bial member hmeichhia 22 leh mipa 10 ten Serchhip District Hospital tan unit 32 an pe bawk.