Mizoram Liqour Prohibition Rules sorkarin a ennawn leh dawn
Mizoram Liqour Prohibition (MLP) Rules chu by notification hmanga tihchhuah a, hman tumna awm mah se, December 29, Thawhlehnia Council of Minister ṭhukhawm chuan ennawn leh phawt an rel.
Vanglaini thudawn danin, Excise & Narcotics dept. chuan Covid-19 avanga Assembly Session neih hleih theih a nih loh avangin MLP Rules hi by notification hmanga hman rih mai
an duh a ni. Mah se, Council of Minister chuan rules chu ennawn leh phawt a, chumi hnuah kalpui dan tur sawiho leh an rel a ni.
MLP Rules hi December 19, 2020 khan notification hmanga tih chhuah a nih hnuah cancel leh a ni. Rules tih chhuah ang hi chuan phalna neite tan beer leh wine siam leh zawrh theih a ni a, hun bikah chuan tualchhung zu (local liquor) siama zawrh theih a ni. Sorkarin zu dahkhawmna kudam a siam anga phalna nei tan lei theih a ni ang.
December 19, 2020 a tihchhuah MLP Rules cancel a nih hnuah ennawn ṭhat leh niin, zu zawrh phalna ang chi cancel vek niin, kuthnathawktute hmakhua ngaia Hnahlan leh Champhai Grape Winery-te hmakhua ngaih tum a ni. Rules duan thar hi END chuan notification hmanga tihchhuah mai an rilruk a ni. Mah se, Council of Minister chuan ennawn leh turin thutlukna a siam ta a ni.