YMA ruihhlo man khawm tiral

Kolasib Sub. Hqrs. YMA-te'n ruihhlo chi hrang hrang an mante chu nimin khan Synod Bookroom kawt, Diakkawn Bazar-ah tihral a ni a, bialtu MLA K Lalrinliana, minister of state-in a hman pui.

Ruihhlo tihral puala inkhawm buatsaih chu Kolasib Sub. Hqrs. YMA president C Liankunga'n kaihruaiin, K Lalrinliana chuan ram leh hnam hmelma ruihhlo dona kawnga YMA hmalakna chu fakawm a tih thu a sawi a, "Vawiin a ruihhlo tih ral ngeite pawh man ni lo se chu chhungkaw tam tak hnena buaina leh harsatna thlen theitu a ni," a ti.

K Lalrinliana chuan ruihhlo tihralna hun buatsaih chu ruihhlo ṭhat lohzia leh khawtlang hmelma a nih zia lantirna hun pawimawh tak a nih thu sawiin, ruihhlo man tur leh hal ral tur awm lo khawp a khawtlang nun muanawm leh zalen siam tur a hma la zel turin kalkhawmte a chah.

Nimina ruihhlo tihral takte chu heroin hawng 4 leh cap 426, ganja pocket 53 leh fun kg 0.5 a ni. Ruihhlote hi tualchhunga hralhna ang chuan Rs. 7,57,600 hu a ni.