Excise-in meth kg. 10.100 an man

Excise & Narcotics depart­ment (END) chuan July 19, Inrinni zan dar 11 vel khan Zo­khaw­thar panna bul, New Hruai­kawn kawngah me­tham­phetamine kg. 10.100 (mûm 10,100) an man.

Meth neitua puh Lunminlalzo (34) s/o GT Zo, Churachandpur, Manipur, Champhai Vengthara khawsa mek nia inchhál an man nghal a; meth phurhna atana hman Maruti 800 car MZ-04 8564 an hréng bawk.

An chhui zuina aṭangin END-te chuan nimin zing dar 8:45 vel khan Champhai Mualbawkah meth tawlhrûknaa inhnam­hnawiha puh Christy Hmingthanzami (19) d/o R Lalngaizuala, Champhai Vengthara khawsa nia inchhal an man leh bawk. Meth-te hi state pawna hralh tur nia rin a ni.