Zirlai thar lawmna hun hmang

Tuichangral Zirlai Pawl (TCZP) chuan July 19, Inrinni khan IPR Auditorium-ah Fresher Social leh academic year 2024-25-a zirlai ti ṭhate lawmpuina inkhawm an buatsaih a; minister PC Vanlalruata khuallian niin, adviser to CM Lalmuan-puia Punte, MLA khualzahawm a ni.

PC Vanlalruata chuan, zirlai pawla inhman a hlut thu leh college-a zirlai hruaitu nihin hawiher a tihzauh thu a sawi a, zirlaibu piah lamah lehkhabu chhiar tam turin zirlaite a fuih. Cooperative movement-ah rilru sên tlan a ngaih thu sawiin, cooperative lam ngaihven turin zirlaite a chah bawk.

Khualzahawm Lalmuanpuia Punte pawhin thu a sawi a; TCZP adviser Lalnunṭawma Fanai, MCS 2025 topper Samuel Malsawmzuala leh MCS Lalrinhlua ten fuihna thu an sawi bawk.