Heroin tawlhrûkah veng mi tel avangin ngaihdam dil

Aizawl Venglai All NGO Coordination Committee chuan, Mizoram Police-in July 10, 2025 zana Zokhawthara heroin kg. 7.422 an manah an veng mi H Lalrinsanga s/o H Lalremmawia (L) a inhnamhnawih ve chu pawi an tih thu leh an dem thu an tarlang a, "Mizoram mipui hnenah ngaihdam kan dil tak meuh a ni," an ti.

Aizawl Venglai NGO-te hian an veng mi heroin tawlhruknaa a inhnamhnawih chungchang chu July 19, Inrinni zan khan an ngaihtuah a; press release siam nghalin, thubuai chinfel a nih hma chuan H Lalrinsanga'n Aizawl Venglai a rah an remtih loh thu an tarlang.

H Lalrinsanga chunga dan ang taka na taka action la tura thuneitute ngenin, "Sorkar thutlukna ang ang chu veng mipuite'n kan thláwp tlat ang," an ti. "Sorkarin ruihhlo tihrêm tuma theihtawp a chhuah mek laia kan veng mi ngei ruihhlo chungchangah ram leh hnam timualpho theihna thilah a lo inhnamhnawih hi pawi kan tiin kan dem tak zet a ni," an ti bawk.