IRCS Mizoram-in ṭanpuina hlan

Indian Red Cross Society (IRCS), Mizoram State Branch chuan July 18, 2025 khan Salvation Army Indian Eastern Territory hnenah mamawhna apianga an hman atan blanket 100 leh oxygen concentration pahnih an hlan.

Ṭanpuina hi IRCS, Mizoram chairman H Lalengmawia'n IET territorial commander Col. Lalbulliana Tlau hnenah a hlan a ni. H Lalengmawia chuan, Salvation Army-te'n fahrah leh riangvaite chhawmdawla an hnathawh chu Indian Red Cross Society chuan ropui a tih thu a sawi a, "A theih ang angin IRCS chuan chhawmdawlna kawngah ke pen zel kan tum a ni," a ti.

Bungruate hi Salvation Army enkawl - Boys Home Mualpui, Motherless Baby Home, Saitual (Hlimna In) leh Old Age Home Serchhipah te sem a ni ang.