Kolasib dist-ah lirthei tlan dan khuahkhirh

Kolasib District Disaster Management Authority chairman Robert C Lalhmangaiha, district bawrhsap chuan Serkhan leh Bagha inkar hmun ṭhenkhata lirthei tlan dan khuahkhirhna chungchangah thupek a tichhuak a; thupek zawm lote chu Disaster Management Act, 2005 angin hrem an nih dawn thu a tarlang. 

Robert C Lalhmangaiha chuan, Serkhan-Bagha, Bukpui-Thingthelh leh Thingthelh-North Hlimen inkar kawngah leimin avangin kawng a tlabal tih a tarlang a, "Kawng hi a chhiat zel loh nan leh lirthei veivakte him zawkna atan Serkhan - Saipum inkarah hian lirthei LMV leh a huai lam chauh kal phal a ni a, lirthei lian kal phal a ni lo," a ti.