MUHCS-in vbc. 23.97 a pe tawh

Mizoram State Health Care Society (MSHCS) chuan Mizoram Universal Healthcare Scheme (MUHCS)-a inziak lut damlote damdawi-in awm man atan damdawi-in hnenah cheng vbc. 23.97 an pe tawh.

MSHCS aṭanga Vanglaini thu dawn danin, damdawi-inte'n damlo an enkawlna senso (bill) an thehluhte chu a tahtawla pek zel a ni a, sum pek turah harsatna a awm lo. Nimin thleng khan cheng vbc. 23.97 an pe tawh a, bill thehluh hmasak dan indawta pek zel an tum.

Hetih lai hian, MUHCS hman ṭan hmaa damdawi-ina lut tawh damlo zingah bill thehlut pawh an la awm reng a, chu'ngte hnenah pawh chuan an bank account-ah a tahtawla pawisa pek zel a ni.

Nimin thlenga bill pek chhuah tawh cheng vbc. 23.97 zinga cheng vbc. 19.93 chu Mizoram chhunga damdawi-inte hnena pek a ni a, cheng vbc. 4.03 chu state pawna damdawi-inte hnena pek a ni thung.