Youtuber lakah FIR thehlut

Mizoram State Commission for Protection of Child Rights (MSCPCR) chuan youtuber Michael Siakeng NicholasS lakah nimin khan Aizawl Police Station-ah FIR an thehlut.

MSCPCR aṭanga thu dawn danin, naupang pakhat harsatna tâwk chung-changah, naupang nihna chhui chhuah theihna tur thil Youtube-ah an dah tel avangin MSCPCR chuan July 18, 2025 khan YouTube channel neitu pali an ko a, an zilh a ni.

MSCPCR-in an koh zinga mi YouTuber, Michael Siakeng NicholasS chu a inlan ve loh avangin a lakah MSCPCR member Darṭhakunga chuan nimin khan Aizawl PS officer in-charge Lalnunmawia hnenah FIR a thehlut. FIR thehluha dah tlawhchhan chu - BNS Section 206 'Absconding to avoid service of summons or other proceeding' tih a ni.