Chhan chhuahna hmanrua hlan

Lawngtlai District Disaster Management Authority chairman Cheemala Siva Gopal Reddy, bawrhsap chuan nimin khan Chhimtuipui Group YMA hnenah chhiatna a thlen chânga a hman tur hmanrua a hlân.

Bawrhsapin Chhimtuipui Group YMA hnenah hmanrua a hlante chu life jacket pali, helmet panga, hruizên lian pathum, torchlight pahnih, silpauline pahnih leh lenkhang lian pakhat a ni a; Chhimtuipui Group YMA aiawhin YMA, Kawlchaw West Branch hruaitute'n an dawng a ni.

Lawngtlai Bawrhsap chuan, chhiatna a thlenin sorkar leh tlawmngai pawlte'n thawhhona ṭha an neih a pawimawh thu a sawi a, "Disaster Management & Rehabilitation department-in chhiatna a lo thlena hman tur hmanrua chi hrang hrang a pe chhuak ṭhin a, hmaruate hi ṭangkai taka hman a nih theih nan uluk taka enkawl zui a ṭul dawn a ni," a ti.