Mizoram Bharat Scouts & Guides Chief patron atan Governor la lut

Mizoram Governor Gen. Dr Vijay Kumar Singh chu Mizoram State Bharat Scouts & Guides chief patron atan nimin khan Mizoram Bharat Scouts & Guides state chief commissioner H Lalhmingthanga'n Raj Bhavan-ah a la lut.

Larsap chuan, Bharat Scouts & Guides inthununna leh rawngbawlnate zahawm a tih thu leh khawvela ṭhalaite beihpui thlakna nghawng nei lian berte zinga mi a nih thu a sawi a, "Mahni duhthlanna, politics rawng kai lo leh zirnaa hmalakna hmanga ṭhalaite hmasawnna tluan tling petu a ni... Khawvela ram 216-a ṭhalai maktaduai 67-in he pawl hi an zawm tawh a, thupui 'Once a Scout or Guide, always a Scout or Guide' tih chuan member-te nunah hmun a chan dan a nemnghet a ni," a ti.