Covid-19 UK Strain laka Invên nan sorkarin hma a la

Mizoram sorkar chuan Europe ram eng emaw zata Covid-19 UK Strain darh mek laka invènna turin UK leh Europe ram aṭanga Mizorama lut reng reng chu point of entry - Lengpui Airport, Vairengte, etc.-a medical counter-ah inhriattir zel turin a chah.

Sorkar thuchhuah tarlan danin, United Kingdom leh Europe ram aṭanga Mizorama lutte chu district-a quarantine facility-ah RTPCR/TrueNat-PCR test result a chhuah hma chu awm rih tur a ni a, home quarantine phal a ni lo. RT-PCR test result negative-te pawh Rapid Antigen Test (RAT) tih leh vek tur a ni ang.

He inkaihhruaina hian Covid-19 UK Strain leh hmun danga Covid-19 strain chhuak thar leh a kaihhnawih ramte aṭanga Mizoram lutte pawh a huam zui zel dawn a ni.