Kuminah Hnahthial dist-ah thubuai 30

Hnahthial SP Shivam Siddharth kaihhruaiin nimin khan Hnahthial district Police hotute'n Crime Review Meeting an nei. Kumin 2025-ah nimin thleng khan Hnahthial district-ah thubuai 30 ziah luh tawh a nih thu tarlan a ni.

Review meeting-a tarlan danin, kumin January 1 aṭanga nimin thleng khan Hnahthial district-ah thubuai 30 ziah luh zinga 16 chu rûkrûk (bugrlary/theft) thubuai a ni a; rûkrûk thubuaiah mi 21 man an ni. Ruihhlo kaihhnawih (NDPS Act) thubuai panga ziak lutin, chumi kaihhnawihahchuan mi pariat an man.

Lirtheia chetsualna (fatal accident)-ah thubuai pali ziah luh niin, mi pakhat man a ni a; mi tihnat/kutthlak, inbumna, pawngsual, awm ṭha duh lo/suaksual (mischief) leh mi bum nana thil lem siam (forgery)-ahte thubuai pakhat ṭheuh ziah luh a ni bawk.

SP Shivam Siddharth chuan, thubuai khawihtu case investigating officer-te chu ṭha taka thawk zel turin a fuih a ni.