H/S Field enkawl GAD kutah dah

Aizawl Smart City Ltd sum nuai 1,800 hmanga Mizo High School Field-a stadium sak mek chu zawh a nih hunah enkawl zui turin ram neitu General Administration Department (GAD) ruat a ni.

Nimin khan CMO Conference Hall-ah chief minister Lalduhoma, UDPA minister K Sapdanga, Education minister Dr Vanlalthlana, Sports & Youth Services minister Lalnghinglova Hmar, sorkar official-te leh Zarkawt khawtlang hruaitute an ṭhukhawm a; Mizo H/S Field chungchang an sawiho.

CM Lalduhoma chuan, Aizawl Smart City-in Mizo H/S Field-a stadium a sak mek chu zawh a nih hnua enkawl zuitu tur dan ang thlapa sorkarin a din a ṭul thu a sawi.

Ṭhutkhawmah hian, 'A ram neitu GAD kutah a enkawl zui hna awm se, a ṭul angin GAD hian a enkawl dan tur chipchiar lo duang se,' tiin an rel a ni.