Rural Bank-in pawisa pe chhuak

Mizoram Rural Bank (MRB)-te chuan No-vember 10 aṭang khan a mamawhte hnenah pawisa an thlengtir a, Rs 500 leh Rs 1000 note a thih tak avanga harsatna tawk mipuite tan pawisa thleng dan remchang an ruahman.

Mizoram Rural Bank hotute hnen aṭanga Vanglaini thudawn danin an branch zawng zawngah pawisa pek chhuah tur nei vek lo mah se, mipui tan awlsamna ngaihtuahin pawisa thleng theih dan hi an ruahman a, November 10 khan Aizawl khawpui chhungah bik pawh cheng nuai 50 pawisa an pe chhuak a ni.

MRB hotute sawi danin Mizoram hmun hrang hranga an branch-te pawhin an pawisa kawl angte mipui tana pek chhuah zel an tum a, pawisa note thar a lo thlen hunah pawh mipuite ngai pawimawha an tana awlsamna zawn an tum.