Pawisa note tihthih vanga harsatna Chinfel thuai a ni ang - Finance dept.

Finance department chuan thuchhuah siamin, Rs. 500 leh Rs. 1,000 note tihtawp a nih vanga harsatna awm chu hun rei lote chhunga chinfel tur a nih thu an tarlang a, chîâi lo turin mipui an chah.

Finance department chuan, Mizoram sorkar, Reserve Bank of India leh State Bank of India-te thawkhoin, harsatna chu a rang lama sukiang turin chak taka hma an lak reng thu leh, ni hnih/thum hnuah chuan harsatna zualpui a kiam mai an beisei thu an tarlang.

Pawisa note tihthih chu ram leh mipuite'n an ṭhatpui zawk tur tih hre turin mipui an chah a, "Tuna kan tawrh hi nakin lawka hmasawnna hna chak zawka a kal theihna tur a nih avangin mipuite chî-âi lo tur leh dawh hram hram turin kan ngenin kan inhriattir nawn leh a ni," an ti.

Finance department chuan, pawisa note tihthih chu eirûk pawisa emaw, pawisa dik lo (counterfeit) emaw, thuhruk ngai pawisa emaw neite'n an buai phah tur thu an tarlang bawk.