Mizo Infiamna Kûtpui khâr a ni

Mizoram State Sports Council (MSSC)-in November 9, 2016 aṭanga Mizo Infiamna Kûtpui 2016, an buatsaih chu nimin chawhnu khan MSSC Sport Complex, Ramhlunah khâr a ni a, kharna inkhawm hi minister PC Lalthan-
liana'n a hmanpui.

PC Lalthanliana chuan, MSSC-in Mizo infiamna a buatsaih chu lawmawm a tih thu sawiin, "Tunlai khawvel ṭhang zelah Mizo ṭhalaite'n Mizo infiamna an hriat loh a hlauhawm a, Mizo infiamna tluka hlu hi Mizote tan a awm lo. Mahni culture leh infiamna lam hriat chian hi hnam zahawmna a ni," a ti.

Mizo Infiamna Kûtpuiah hian YMA branch 17 an tel a; Mizo infiamna hrang hrang - insuknawr, insaihruipawh, kalchhet leh infiamna chi hrang hrang
hmangin intihsiak a ni a, a pumpuia pakhatna chu Durtlang North Branch an ni.