Calvary Compreshensive School hawng

Minister Lal Thanzara chuan a nu, Lalsawmliani hriatrengna atana TNT, Muanna Veng, Zuangtuia sikul an sak, Calvary Compreshensive School building chu November 10, 2016 tlai khan a hawng.

Hei bakah hian Mizoram Volleyball Association-in MVA Invitation Tournament,2016, state pawnlam leh chhunglam team thazual te inelna, TNT Volleyball Court-a nghah tur chu a hawng tel nghal a ni.

Lal Thanzara chuan TNT naupangte fuihna thu sawiin, nu leh pa nei tam takte neih loh nu leh pa TNT-ah tam tak an nei tih a hrilh a, "Zirna hmun ṭha tak in nei a, nunkawng dika kawhhmuhtute in nei a, in vannei em em a ni," a ti. TNT aṭanga an pui-tlin hunah tumna leh nih tum an neih phawt chuan an la hlawhtling dawn tih a sawi.

MVA Invitational Tournament 2016 hi TNT Volleyball Court-ah November 18 thleng neih a ni dawn a; mipa lamah team sarih telin, chung zinga team pahnih
chu state pawn aṭanga rawn kal an ni a, hmeichhiaah team pali an tel thung.