MPCC-in reservation tihtâwp an dodal Kan thil tih hi hnam thil a ni - Lal Thanhawla

Mizoram Pradesh Congress Committee (MPCC) chuan nimin khan Vanapa Hall kawtah sorkar laipuiin schedule caste, schedule tribe leh other backward classes (OBC) tana sorkar hna lakna leh promotion-a reservation a siam ṭhin tihtawp tuma hma a lak duh lohna an lantir. MPCC president Lal Thanhawla chuan, an thil tih chu hnam thil a nih thu a sawi.

MPCC President chuan, tribal leh hnam hnufualte quota thaibo NDA sorkarin a tum duh lohna lantir chu party thil a nih loh thu a sawi a, "Hnam thil a ni a, ringtu kan nihna anga kan tih ngei tur thil a ni. India ram hruaitu hmasate'n hnam hrang hrang leh sakhaw hrang hrangte zalenna ram siamin, harsatna leh buaina kan nei ngai lo. Hindu party, Kristiante nuaibo tumtu BJP sorkar hnuaiah kan hnam leh sakhua a him ta lo hle," a ti.

India ramah sakhaw tin zalen se la, inngeih takin awm ila, India ram ropui tak i siam ang, tia ngaihtuahna neitu Hindu tam takin CAA an duh loh laiin, Mizoram Lok Sabha MP neih chhunin 'He bill hi làwm takin ka thlawp e' a ti tih sawiin Lal Thanhawla chuan, "A mualphothlak a, India rama ringtute a phatsan a ni," a ti a; CAB thláwp tura an MP hrilhtu party-in Mizo hnam leh sakhua an hralh niin a sawi.

Lal Thanhawla chuan, \an rual a pawimawh thu sawiin, "Kan hnam leh sakhua tan kan thawhho a ngai a, party thil a ni lo a, hnam thil a ni. Keini ringtute hmanraw \ha leh chak ber chu \awng\aina a ni a, kan sorkar pawh hian hnam ang tea \awng\ai rualte hi rawt chhuak se, \awng\aina hmanga beiseina nung nen a hnam anga hma kan lak a ngai a ni," a ti.

Congress party hian Vanapa Hall kawtah resolution pathum an pass a, chumin hnuah Mizoram Governor kaltlangin President hnenah memorandum an thehlut a, memorandum chu Larsap a awm loh avangin a aiawhin Joint Secretary to Governor-in a dawng a ni.)

 Kalkhawmte resolution

•    Sorkar laipui, BJP kaihhruaiin sorkar hna lakna leh sorkar zirna-in hrang hranga hnam tênau zawk (ST, SC & OBC)-te tana reservation awm sa nuaibo tuma hma a la hi kan duh lo tak zet a, Mizoram mipuite'n nasa takin kan dodal zel dawn.

•    NGO hrang hrangte'n zirna lama hma kan sawn theih nana hma an lakna te, kohhrante'n fa nei tam tura kan inzirtirte hi a ṭha kan ti. BJP sorkarin Mizorama kohhrante leh NGO-te hmalakna kalh zawng a hma an lakna reng reng kan do zel dawn.

•    BJP-in Hindu lal ram din tuma hma a lakna hrang hrangte hian Mizote rilru a tina tak zet a, India ram hi sakhaw zalenna, sakhua vanga inthliar hranna awm lohna, hnam tin zalen taka kan awm theihna ram ni zel se kan ti.