Covid-19 chungchangah lawmthu sawi

MNF party chuan thuchhuah siamin, sorkar laipui lama mithiamte'n December thlaah Mizoramah Covid-19 kai mi 5,000 an tling tura an chhût lâwk chu a thleng dik ta lo tih an tarlang a, Mizoram sorkar, kohhran, task force-te leh tlawmngai pawlte thawh rah a nih thu leh lawmawm an tih thu an tarlang.

December 31 thlenga Mizorama Covid-19 vei hmuh tawh zat chu mi 4,204 an ni tih sawiin MNF chuan, "Heng zawng zawnga a sûlsutu leh hmalatu CM Pu Zoramthanga, Health minister Dr R Lalthangliana, minister te, MLA te, sorkar department hrang hranga thawktu te, kohhran leh tlawmngai pawl hrang hrang, task force-te bakah mimal tin theihtawp chhuahtute chungah thinlung takin lawmthu kan sawi a ni," an ti.

MNF chuan, Mizoram mipuite kum thar chibai an bûk a, duhsakna sang ber an hlân tih an tarlang bawk.