BCM leh Champhai GGS-in thuthlung ziak

Baptist Church of Mizoram (BCM) leh Champhai Grape Growers Society-te chuan, grape tui sâwr chhuah hralh leh lei turah November 11, 2016 khan thawh dunna thuthlung an ziak.

Thuthlung an ziah ang chuan, Champhai GGS-in grape tui an sâwr chhuahte chu Baptist kohhranin sakramen atan an leisak dawn a, a man chu ûm khat Rs. 100 a ni ang. Mihring taksa hriselna atana ṭha lo tur grape wine-ah a awm tur a ni lo a; thutlung an ziah hi kum hnih atan niin, chumi chhung chuan grape wine man chu tihdanglam tur a ni lo. BCM leh CGGS-te remtih dunna loin a ûm, a rawng, acidity taste leh a rimte tihdanglam loh tur a ni.

Thuthlungah hian BCM aiawhin president (elect) Rev. H Lianngaia leh general secretary Rev. F Ramdinmawia ten hming an ziak a; Champhai GGS aiawhin vice chairman HS Vanlal-fakzuala leh assistant secretary C Zo-hmingliana ten hming an ziak. Hriat-puitu atan Lungleia Hosticulture officer Vanlalnuntluanga Renthlei leh C Lalrem-siama ten hming an ziak bawk.