Synod-in Rs. 90,94,93,628 a hmu tawh

Mizoram Synod chuan fiscal year kal mek, 2016-2017 ah Rs. 90,94,93,628 an hmu tawh a, hei hi a budget 51.46% a ni.

November 9-11, 2016 chhunga Synod Executive Committee ṭhutkhawm vawi 264-naa tarlan danin, Synod hian Pastoral-ah Rs. 50,67,47,633 a hmuh tawh a, hei hi Pastoral budget aṭangin 53.70% a ni a; Mission-ah Rs. 40,27,45,995 a hmu tawh a, hei hi Mission budget
aṭangin 48.89% a ni.

SEC vawi 264-naah hian agenda 95 a awm a; chu'ng zingah chuan, Mizoram Synod leh KAPC Synod MoU ennawn, Evangelical Church of Maraland KTP leh Central KTP inpalai tawn, fa pali leh a aia tam neite ṭanpui-na pek, Central Kohhran Hmeichhia-a committee member tihtlem chung-chang, youth empowerment chungchang, ruihhlo ngaite hmun khata dah khawm, Synod Higher Secondary School beh-chhana college din chung-changte a tel.