MPC-in Aizawlah mobile campaign nei

MPC party chuan 'Zoram tluchhe mek tun din lehna' tih thupuia hmangin Inrinni khan Aizawl khawpui hmun hrang hrangah Mobile Campaign an nei a, an party hruaitute'n thu an sawi.

MPC thuchhuah chuan, an party-in kum 1978 aṭanga 1984 thlenga sorkarna an chelh chhunga kawlphetha hnianghnâra a awm theihna tura an hmalakna te, ei leh bara intodelhna tur te, inkalpawhna kawngpui ṭha neihna tur te, tui hnianghnâra neihna tur te, thingtlang lam tihhmasawnna tura an hmalaknate chu Congress leh MNF party-te'n kum 30 chhung sorkarna an chelh chhunga an chhunzawm loh vang-in ram leh mipuiin harsatna leh buaina kawng hrang hrangin an tawk niin an sawi a, "Retheihna leh pachhiatna khura kan táng mek chhanchhuaka tung ding leh turin MPC chuan chak takin hma kan la zel dawn," a ti.

MPC party chuan, Congress leh MNF party-te'n an sorkar chhungin Mizoram an sawp chhiat nasat avangin Mizoramin chhanchhuaktu a ngai niin an sawi a; kum 2018-a inthlanpui awm turah Zoram thar, mipui sorkar siam ngei turin Mizoram mipui ṭawiawmna an ngen a ni.