MNF-te ram dinhmunah lungawi lo

MNF party-a péng (frontal) hrang hrangte chu Inrinni khan Mizo Hnam Rûnah an ṭhu-khawm a, Women Front president Vanlal-buki’n a kaihruai. Meeting-ah hian resolution pass in, Congress party kaihhruai sorkara ram kalphung leh hmasawnna kawng-a ram dinhmunte chu lung-awithlak loh hlea an ngaih thu an tarlang.

Aizawl City MNF Joint Frontal Committee resolution chuan, "Ram hmasawnna ngaihthah sorkar hian department hrang hrang aṭanga kan ram leilung hmasawnna tur hna an thawh theih nan kan state annual budget-te hi mipuite bumna NLUP ringawt ngaihtuah loin a hmanna tur dik tak ah hmang rawh se," an ti.

Congress sorkarin sum sem hmangin mipui rilru an sûksak fo nia sawiin, MNF-te chuan, "Mipuite hneh zel tura an inngaihna hi mipuiin an pawm tawh lo tih hria se, kan ram leh hnam tana thil pawi tak a ni tih hria a, inthlan dawna sem leh tur khawl khawm nana tax uchuak taka an lak vak vakte hi bànsan rawh se," an ti bawk.