Railways Minister leh Zorama an inkâwm

Union Railways minister Suresh Prabhu leh minister of state for Railways Rajen Gohain-te leh MNF
president Zoramthanga chu November 11, 2016 tlai khan an inkâwm a; MNF President hi an party treasurer Van-lalzawma'n a ṭawiawm.

Railways minister-te leh MNF hruaitute hian Mizoram hmasawnna tur thil chi hrang hrang an sawiho a; Zoramthanga chuan, Mizorama rêl kawng phuisui zawka a luh theih nana an ṭhahnem-ngaihna leh hmalaknaah lawmthu hrilhin, Mizoram an rawn tlawh avangin lawmawm a tih thu a sawi.

Suresh Prabhu chuan kum 2018-a Mizoram inthlanpui awm turah Zoramthanga chu Chief Minister a nih ngei a beisei thu a hrilh a; Vanlalzawma chuan, Zoramthanga Mizoram CM a ni thei a nih chuan, thutiam a laknaa tel ve ngei turin Railways Minister chu a sawm a ni.