Nationalism symbol of the NE chu MNF a ni - Zoramthanga

MNF president Zoramthanga chuan nimina Mizo Hnam Rûna inkhawmah thu sawiin, hnam thinlung pú nationalist-te chu khawvelin an ngaisang niin a sawi a, "Nationalism symbol of the Northeast chu MNF a ni," a ti.

Zoramthanga chuan, India hmarchhak biala nationalist over-ground leh under-ground hrang hrangte'n remna leh muanna a awm theih nana hma la tura an auh ber chu MNF-te an nih thu sawiin, "India ram mai ni lo, Burma-ah pawh foreign ram hrang hrang an hlawhchham hnuah keini lamah an lo kal a, Burma sorkar ding lai leh an helte inbiakna tur kawng kan zawnpui a ni," a ti a; mahni
chîte champion pui tum loa ‘vai buhfai ei ṭheuh
ṭheuh’ tia inâwi tlei ṭhin-
teah miin rinna an nghat lo niin a sawi.

Congress party term hnihna hman dan chungchang sawiin Zo-ramthanga chuan, "De-velopment a chhe vek a, engmah a kal thei lo a, mipuiah pawisa a váng lutuk a, mipui an bei-dawng em em a, kawng chhe lutuk vang ringawt pawh hian tlakna tham a tling. Zirlai scholarship a buai a, sorkar hnathawkin hlawh an la mumal thei lo a, sorkar hnathawk 80% aia tamin he sorkar hi an ning em em a ni," a ti.

MNF President chuan, Congress sorkar chu lalna leh sum an hmuhna a nih dawn phawt chuan eng
ṭawngkam pawh hmang hreh lo leh engmah tih hreh nei loah a puh a; "Pathian duh loh zawng tih pawh sum an hmuh theihna a nih phawt chuan an hreh lo a, a pawiin a rapthlak tak zet a ni," a ti bawk.