KHAWTHLIR
Larsapin chhim lam a tlawh
Governor Lt. Gen. Nirbhay Sharma chuan nimin khan Chawngte, Parva-I, Lawngtlai leh Siaha a tlawh a, sorkar official, district council, Assam Rifles leh BSF hotute a kawm bakah, hmasawnna hnathawh hrang hrangte a enfiah. Larsap hi minister of state Dr. BD Chakma leh District Council & Minority Affairs secretary Rodney L Ralte-in an ṭawiawm.
Lam intihsiak
Lawngtlai District Institute of Education and Training (DIET) chuan, nimin khan Lawngtlaia CYLA hall-ah middle school naupangte tan Naupangte Ni denchheninhnam lam hmanga intihsiak (Cultural Dance Competition) an buatsaih a, Lawngtlai DC Dr A Muthamma-in a hmanpui. Competition-ah hian sikul 12 chawnglaizawn leh sarlamkai hmangin an intihsiak a ni.
Pawisa sawiho
Rs.500 leh Rs.1000 note thih chungchanga Kolasib dinhmun sawihoin nimin khan DC H Lalengmawia hoin a pisa-ahte bank manager-te nen a pisaah an
ṭhukhawm. DC dawrkaite Rs.500 leh Rs.1,000 chu a tak a nih chuan December 30 thleng bank-ah dah luh reng theih a nih avangin dawng hreh lo tura a duh thu sawiin, "Harsatna tawk an awm chuan DC office lam hrilh hreh lo se ka duh a ni," a ti.
Pawisa aiah lehkha them
Sorkar laipuiin Rs. 500 leh Rs. 1000 note a tih thih avangin Khawbung RD block huam chhung khaw ṭhenkhatah chuan lehkha them hmangin an indawr. November 12
aṭang kha dawr kai ṭhenkhat chuan pawisa nawi kir tur an neih remchan loh avangin, lehkha themah pawisa kir tur hlutzawng ziakin, anmahni dawrtute an pe a, hemi hmang hian an dawrah vek hian thil lei leh theih a ni. Dawrkaite'n pawisa nawi an neih remchan hunah a mamawh zual chu pawisa pangngai vekin an kir leh ṭhin a ni.