All India Cooperative Week hmang

All India Cooperative Week pualin nimin khan Vanapa Hall-ah hun hman a ni a, Cooperation minister Lalrinmawia Ralte-in hmanpuiin, Week puala buatsaih Cooperative Tlangau Special Issue a tlangzarh.

Lalrinmawia Ralte chuan, "Mizoram mipui 60% - 70% velin an chhawr ṭangkai theih tur cooperative sector
ṭangkaina inzirtir nasat leh zual a ngai. Public leh private sector-in hma sawn mah se, cooperative sector-ah hma kan sawn loh chuan hmasawnna inkhai rual lo leh khingbai a ni," a ti.

Cooperation Minister chuan, a chhawr ṭang-kaitu tur mipuiin coope-rative movement ṭangkai-zia leh a hlutna an hre lo nia sawiin, "Ram leh khawtlang hruaitu te, mipui mimir kan zavaiin zirtir kan ngai a ni," a ti a; cooperative movement kaltlangin hmasawnna tlo, rintlak leh nung reng neih theih a nih thu a sawi.

Cooperative Week hmanna inkhawm hi Mizoram State Coope-rative Union president Lianthangpuia’n a kai-hruai a, Governor, Coope-ration Minister, Chief Secretary leh MSCU President te thuchah chhiar chhuah a ni.

Kum 1953 khan All India Cooperative Union, tuna National Coo-pe-rative Union of India (NCUI) ni ta chuan cooperative sector a thawkte intuaitharna leh mipui hmaa an inphochhuahna hun remchang atan All India Cooperative Week hman ṭhin ni se, tiin an rel a, chumi aṭang chuan Week hi hman ṭhin a ni.

Tun dinhmunah Mizo-ramah cooperative society 1,400 vel a awm a, society hnuaiah hian thawktu mi 3,000 chuang an awm.