Damdawi-in pali-in NQAS an hmu thar

Mizorama sorkar damdawi-in, primary health centre (PHC) pali - South Vanlaiphai PHC, Sairang PHC, Bung-hmun South PHC leh Kawrtethawveng PHC te chu India rama sorkar damdawi-in ṭha tehna National Quality Assurance Standards (NQAS)-ah an tling thar.

National Health Mission (NHM), Mizoram tarlan danin, NQAS-ah hian Sairang PHC-in 94.64%, Bunghmun South PHC-in 93.21%, South Vanlaiphai PHC-in 93.07% leh Kawrtethawveng PHC-in 92.44% an hmu a ni.

Heti hian Mizorama PHC zinga 26-in NQAS national certificate an hmu tawh a; Mizorama sorkar damdawi-in zinga NQAS national certification hmu tawh zawng zawng chu 36 an ni. Mizoram sorkar damdawi-in 21-in state level certificate an nei tawh a, NQAS national certificate result nghak mek damdawi-in pali a awm bawk.