Hmun 2-ah meth mûm 30,100 man

Excise & Narcotics department leh Assam Rifles thawk dun chuan July 23, Nilaini zan leh nimin zing khan Aizawl leh Champhai district-ah methamphetamine (meth) mûm 30,100 an man.

END leh AR te hian nimin zing dar 3:10 khan Tuikhuahtlangah meth mûm 20,000 (kg 1.972) an man a; a neitua puh mi pathum - Taj Uddin (22), Jurbari, Patharkandi, Karimganj, Mahub Hussain (21), Purachandpur, Patharkandi, Karimganj leh Halal Uddin (21), Dharmanagar, Tripura nia inchhalte an man nghal. Meth phurhna lirthei WagonR MZ-01 V-3492 pawh an hréng a ni.

July 23, Nilaini zan dar 7:30 khan Zote-Bulfek kawngah Lalfakawma (27) s/o Biakzauva (L), Dampui, Myanmar, tuna Champhai Kanan Venga khawsa mek nia inchhâl hnen aṭangin meth mûm 10,100 (kg. 1.110) an man bawk.

Meth vanga man chungchangah hian The Narcotic Drugs & Psychotropic Substances Act, 1985 tlawhchhanin thubuai ziah luh a ni a; meth neitute chu court-ah hruai an ni.