Lunglei MJA-in industry an enfiah

MJA, Lunglei district member-te chuan nimin khan Integrated Infrustructure Development Centre (IIDC), Pukpuia industry din dan leh Saw Mill dinhmun an enfiah a; teak thing zaina thingphaw leh a hâr nâwi manganthlak khawpin a awm tih an tarlang.

Lunglei district MJA tarlan danin, IIDC hi kum 2003-a din niin, a hmun hi Pukpui VC-in kum 99 chhung atan Industry department hnena an hlan a ni a; Industry department-in electric leh tui an pe a, industry dintute'n a hranpain awm man an chawi lo.

Industry din duh tan in eng emaw zat sak niin, hun rei tak hman ṭangkai lohin a awm a, mi 10-in industry din phalna an hmu. Tuna industry an hman dan chu thingzaina Saw Mill a ni ber a, hna thawktute erawh hnam dang deuh vek an ni.

Pukpui YMA president Zodinsanga chuan, thingzaina pháw leh a hár tam lutuk chu manganthlak an tih thu leh Lunglei tui lâkna Pialthleng tibawlhhlawhtu tur a nih thu a sawi a, "Awmze nei zawka tihral dan awm se tih hi kan khawtlang duh dan a ni," tiin MJA member-te a hrilh.