Larsapin ANC-ah IRCS a hawng

Governor Gen. Dr Vijay Kumar Singh chuan nimin khan Aizawl North College (ANC)-ah ANC Red Cross Society bul ṭanna a hawng. Larsap chuan, Mizoram chu India rama khawtlang inlungrual leh inpumkhat tia hriat hlawh a nih thu a sawi.

Gen. VK Singh chuan, Indian Red Cross Society (IRCS), Mizoram State president ni bawk chuan, "Mizoram hi India rama khawtlang inlungrual leh inpumkhat tia hriat hlawh a ni a, Mizote nunphungah ngilneihna, inpekna leh tlawmngaihnate'n thûk takin hmun a chang. IRCS kan neih belh thei hi a hluin hmasawnna min pek belhchhah dawn a ni," a ti.

Governor hian ANC hnenah institutional membership certificate, oxygen concentrator leh blanket a pe a; mi pathum hnenah IRCS life member certificate a hlan bawk.