Ramri hung chungchang sawiho

Serchhip district bawrhsap Paul L Khuma hoin July 24, Ningani khan DC Meeting Hall-ah Border Coordination Committee an ṭhu a; Myanmar leh Mizoram inrina hung dan tur zirchianna kalpui dan tur an ngaihtuah.

Ṭhutkhawmah hian sorkar laipui duh dan angin Myanmar leh Mizoram inrina hung dan tur zirchianna kalpui a ni dawn tih tarlan a ni a, zirchianna behchhanin rawtna thehluh a ni ang. Ramri hungin mipui a nghawng dan turte zirchianna (social impact assessment) neih a ni bawk ang.

Serchhip district leh Myanmar inrinate chu Land Revenue & Settlement department emaw, Survey of India leh district thuneitute'n a huhoa endik (joint survey) an rel a; SP Gavit Gogna, BRO, Assam Rifles, district thuneitute bakah Serchhip district Myanmar ramri hrula Sailulak leh Lungkawlh VC-te an tel a ni.