Session atan zawhna 667 lut tawh

February 17, 2020 aṭanga 8th Mizoram Legislative Assembly session vawi ngana neih tur atan nimin chawhnu thleng khan zawhna 667 a lut tawh. Tun ṭum session-ah hian budget puitling pharh tum a ni.

Assembly Secretariat aṭanga Vanglaini thu dawn danin, session atan hian zawhna ziaka chhan chi (unstarred question) 235 leh House-a chhan chi (starred question) 432, a vaiin zawhna 667 a lut tawh. Zawhna bakah hian bill pakhat, private member resolution 57, official resolution pakhat leh rules pharh tur pahnih a lut tawh bawk.

Ruahman dan chuan, session hi March 4, 2020 thleng neih tur a ni a, February 19-ah budget pharh a ni ang.