Halpuah leh halmawi hal vangin mi 2 man
Mizoram sorkarin a khap halpual leh halmawi chu December 31 (kumhlui thlah zan) khan Aizawlah an hal nasa hle a, hemi kaihhnawihah hian mi pahnih man an ni.
Police hotute hnen atanga Vanglaini thudawn danin, halmawi leh halpuah hal anih lohna atan theihtawp chhuah nimahse, tum angin in dan theih a ni lo. Hemi kaihhnawihah hian mi pahnih chiah man an ni.
December 31 zana hal tam ber hi van sanga puak chi a ni a, police-te tan khawi atanga hal nge tih chhui chhuah thil buaithlak tak a ni. Finfiahna tel lo chuan police tan mi man ngawt chi a ni lo.
Nimin khawvar hnuah police-ten phal loh thil halna hnuhma atangin hnuchhui tum mah se, hnuhma tihfai a nih zel avangin man tur an awm lo a ni.
Tarlan tawh angin halpuah leh halmawi zuar mi panga erawh man an lo ni tawh thung.