Pawl 6-in thisen unit 174 pe

July 26, Inrinni khan Mizoramah pawl hrang hrangin thisen unit 174 an pe. Civil Hospital, Aizawl tan Mizoram PYD Bazar Bialin unit 22 pein, petute mipa 18 leh hmeichhia pali an ni a, PYD, Bungkawn Bialin unit 18 pein, petute mipa 13 leh hmeichhia panga an ni. South Lungpher Student's Welfare, Aizawl-in unit sarih an pe bawk.

KṬP, Tuikual North Branch-in ZMCH tan unit 61 an pe a, petute mipa 48 leh 13 an ni a; KṬP, Dinthar Vengtlang Branch-in Synod Hospital tan unit 47 an pe a, petute mipa 41 leh hmeichhia paruk an ni. Adventist Youth Federation, Lunglei North-in Civil Hospital, Lunglei tan unit 19 an pe a, petute mipa 16 leh hmeichhia pathum an ni.