Tangkhangte ei tur sem dan tur rêl

Food, Civil Supplies & Consumer Affairs minister B Lalchhanzova kaihhruaiin July 26, Inrinni zing khan Rengte Tlangsang - Kawnpui - Khamrang National Highway-06 kawngpui dunga lirthei khalhtu tangkhangte ei tur pek dan tur rêl a ni a; buhfai, dailuah, têl, purunsen leh tui thianghlim pek an rêl.

Ṭhukhawmah hian Kolasib bialtu MLA Lalfamkima, district bawrhsap Robert C Lalhmangaiha leh DC Office-a officer te, police leh DCSO office-a thawktute an tel a ni.

Supply Minister leh Kolasib Bialtu MLA-te hmalaknain Disaster Management & Rehabilitation department leh FCSCA department hotuten buhfai sem tur leh ei tur leina tur pawisa an ngaihtuah nghal niin sorkar thuchhuahin a tarlang.

Kolasib aṭanga hmar lam kawng dunga lirthei khalhtu tangkhangte hnena ei tur pek chu Kolasib District Truck Owners Association (KDTOA) leh Mizoram Truck Drivers Association (MTDA) leh an phungbawmte kutah dah a ni a; Kolasib aṭanga chhim lam chu Kolasib Sub-Hqrs. YMA kutah dah a ni thung. Ei turte hi nimin khan sem nghal a ni.