Hmun hnihah ruihhlo man

Excise & Narcotics department chuan July 27, Pathianni zing dar 8:45 khan Champhai district-a New Hruaikawn kawngah Laldawngliana (37) s/o Lalnunzira, Zokhawthar nia inchhál hnen aṭangin methamphetamine mûm 1,31,300 (kg. 14.443) an man. A hnuah in­hnam­hnawiha puh B Lalchhuanpuia (26) s/o B Hrangkapṭhuama, Champhai Zion Veng chu Zokhawthar kawngah man a ni bawk.

Assam Rifles sipaite pawhin July 26, 2025 khan Melbukah heroin (no.4) kg. 1.041 leh methamphetamine kg. 9.381 an man a; Narcotics Control Bureau hnenah an hlan.