MLA 2-in kawng siam vil

Minister C Lalsawivunga leh adviser to CM Ginzalala te chuan nimin khan Kawnpui-Sairang kawng chhe lai thawm ṭhat mek an vil a; NHIDCL leh PWD hotu nen chak zawka hmalak zel dan tur an sawiho.

July 26, 2025 zana ZPM Legislature Party ṭhukhawmin an rel angin C Lalsawivunga leh Ginzalala te hian kawng thawm ṭhat mek nimin khan an vil a, vawiinah MLA dangin an vil ve leh ang.

ZPM MLA pahnih hian kawng chhe lai thawm ṭhat tawhte an en a, hna thawh mek an enfiah bawk a; C Lalsawivunga chuan, chak taka hna thawk turin hna thawktute a chah a ni.