Kargil Vijay Diwas pual cycle rally

Assam Rifles chuan Kargil Vijay Diwas (July 26) pualin nimin khan Aizawl leh Lungleiah 'Khelo India - Fir India Cycle Rally' an buatsaih. Zokhawsang, Aizawla cycle rally-ah AR mi leh sa 30 leh tualchhung (civil) mi 25 an tel a; Lungleiah AR sipai 15 leh tualchhung mi 12 an tel.

Assam Rifles hian Kargil Vijay Diwas pualin July 26 khan Lawngtlai district-a Parva-I khuaah hun an hmang tawh a, zirlai 78 leh zirtirtu pariat an tel a; Kargil War chanchin leh India sipaite chêt dan an hrilh.

Farkawn, Khawbung leh Sangau khuaahte pawh AR-in Kargil Vijay Diwas an hmang a, Kargil Indonaa India sipai thite hriatrengna hun an hmang a ni.