Minister-in e-RAM portal hmanga siam ROR (LSC) hmasa ber a pe chhuak

Land Revenue & Settlement (LRS) department-in an buatsaih e-RAM portal kaltlanga digital hmagna siam (digitally-signed) Record of Rights (LSC) hmasa ber pahnih chu nimin khan LRS minister B Lalchhanzova'n ram neitute hnenah a hlan.

ROR/LSC inthlanna hun hi LRD directorate conference hall-ah buatsaih a ni a; B Lalchhanzova chuan, LSC tia hriat ṭhin ROR chu mipui tana thil pawimawh tak tur, Mizoram hmasawnna bung thar, nakin thlenga hriat reng tawh tur a nih thu a sawi.

Revenue Minister chuan, ram chin chhinchhiahna, ram chhiah pek, ram lei leh hralh te chu kalphung buaithlak tak anga mipui thinlunga awm tawhte chu e-RAM portal leh LRD department Tax Payment Portal-te mipuiin uar zawka an hman hunah awlsam taka tih zung zung theih a nih dawn thu a sawi a; mipuiin e-RAM Portal an hman ṭangkai a ṭul thu a sawi bawk.

e-RAM portal hmang hian online-in ram teh, hming thlak, ram ṭhen leh dilna hrang hrang thehluh theih a ni a; dilna lut tawhte chu a hmasak dan indawta buaipui a ni. Ram teh ngaite chu empanelled surveyor-te'n an teh a, portal hmang vêkin buaipui zui a ni. Land recording fee leh ṭul dangte tihfel hnuah diltute mobile phone-ah download theih tgurin LSC/ROR chu pek chhuah ṭhin a ni ang.

Nimina ROR inhlanna inkhawm hi LRS secretary Vanlalmawia'n a kaihruai a ni.