Kawnpui-Sairang kawng chhia siam mek MLA pahnihin an vil

ZPM MLA pahnih - PC Vanlalruata, minister leh Lalmuanpuia Punte, Adviser to CM-te chuan nimin khan Kawnpui leh Sairang inkar kawngpui chhe lai thawm ṭhat mek a hmunah an vil.

MLA-te hian hna thawktute chu ngawrh tak leh chak taka thawk turin an fuih a, NHIDCL leh PWD hotute chu a ṭul anga inṭawiawm ṭha turin an chah a ni.

ZPM MLA pahnihte hi PWD hotute leh kawng siamtu GOEL company hotute an inkâwm a; kawng siamna atana lung ṭha lak tur a hnaivaiah a tam loh avangin hmun hrang hrang aṭangin a theih ang anga lung lak khawm a nih thu an sawi bawk.