ṬKP Day hmang dawn

Vawiin July 30 hi Mizoram Baptist Kohhrana ṭhalai pawl, Ṭhalai Kristian Pawl din champha ṬKP Day a ni a, thupui chu 'Danglam lo ringtu' tih a ni.

ṬKP Day hi unit hrang hrangte'n an remchan dân angin khawtlang leh kohhran tana thil ṭha tihna atan an hmang dawn a, zan lamah unit tinah lawmna inkhawm neih a ni ang.

ṬKP hi July 30, 1951 khan Serkawnah din a ni a; pastor bial 92-ah unit 447 a awm mek a, member 50,364 awm mekin, mipa 30,562 leh hmeichhia 19,802 an ni.